Snæland Selfossi

Ég var á Selfossi í dag og eins og utanbæjarmenn (fólk ekki frá Selfossi) vita er ekki mikið um góða staði þar að borða á. Ég hef borðað á nánast öllum stöðum þarna og ákvað að fara á Snæland. Verðið er alltaf fínt þar og góð aðstaða til að borða. Þar sem ég er hamborgarasjúkur fék ég mér eins og svo oft áður ostborgaratilboð. Ég er alltaf hrifinn af frönskunum þeirra, mjóar og langar. borgarinn var bara fínn, kannski full mikið af sósu en ekkert alvarlegt. Þannig að máltíðin var bara í heildina nokkuð fín miðað við hvar ég var að borða. Korteri eftir matinn fékk ég sömu tilfinningu í magann og stundum áður þegar ég hef borðað á þessum stöðum, ekki góða :( Ég rétt náði á næsta kamar og sem  betur fer tók það fljótt af. Hvort þetta hafi eitthvað með matinn þeirra að gera eða ekki vil ég sem minnst segja um.

Kveðja Raggi

Athugasemdir

[Grefill, 27.10.2010 kl. 10:41]

Ég fór á American Style um daginn og fékk mér tvöfaldan hamborgara með öllu. Verð að segja að þetta reyyndist með betri hamborgurum sem ég hef fengið lengi á veitingastað, en langbestu hamborgarar heims eru þeir sem ég bý til sjálfur.

En prik fyrir American Style sem ég hef stundum orðið fyrir vonbrigðum með.

[Tonnatak ehf, 27.10.2010 kl. 22:15]

Við höfum mikið borðað á stælnum í gegnum árin og erum ekki jafn ánægðir með matinn þar og við vorum. Hvort við séum búnir að breytast eða maturinn veit ég ekki, en ég hallast frekar að því að það sé maturinn.

Kv. Raggi