Vestfirðir

Við vorum að koma heim af Flateyri þar sem við vorum aðeins að vesenast. Við borðuðum allar máltíðir þar heima hjá fólki sem við gistum hjá þannig að ekki er mikið hægt að segja um þann bæ annað en að við höfum fengið góðann og mikinn mat. Við fórum reyndar í N1 þar að versla nammi og kók og fundum þar einhverja verstu djúpsteykingarolíulykt sem við höfum fundið um ævina. Við vorum mjög fegnir að þurfa ekki að borða þar. Fórum í bíltúr á Þingeyri til að prufa N1 þar, ekki góð hugmynd. Bað um baconborgara og útlenska konan sem vann þarna reyndi að selja mér borgara með alskonar gumsi og baconi því að það stóð hvergi á matseðlinum "baconborgari". Ég nennti ekki að reyna að útskýra fyrir henni að mig langaði bara í bacon og ost þannig að ostborgari varð fyrir valinu. Borgarinn var vondur og ókryddaður og eina grænmetið á honum var KÍNAKÁL. Það setur enginn kínakál á borgara. Ekki víst að ég væri að skrifa þetta ef ég hefði fengið mér franskar líka.

 Kv. Raggi