Olís Borgarnesi.

Ekki er hægt að segja mikið gott um matarferðina sem farin var í dag. Bjarki fékk sér súperborgaramáltíð, sem er 140gr borgari með sveppum og ýmsu öðru ásamt frönskum, sósu og kóki. Máltíðin kostaði 1190 kr. Borgarinn var ekkert sérstakur, bara lala. Franskarnar voru vondar, minntu soldið á aktu taktu franskar. Það er ekki hægt að ætlast til að nokkur maður borði mikið af svoleiðis frönskum. Ég tók mikla áhættu og fékk mér 9 tommu pizzu með pepperoni og skinku á 940 kr en eins og allir vita eru sjoppupizzur sjaldan góðar. Og sú varð raunin nú. Brauðið var ekki gott og sósan var svo bragðlaus að það gat allt eins verið vatn með rauðum sósulit á pizzunni. Aldrei áður hef ég fengið vonda skinku á pizzu en einhvern tímann er allt fyrst. Enginn ostur var undir álegginu bara ofan á, sem er eitthvað sem er alveg nýtt fyrir mér. Niðurstaðan er versta pizza sem ég hef fengið og ég hef borðað fleiri pizzur en Mario og Luigi til samans.

Kv. Raggi